Лямин, Михаил АндреевичРадыгин, И. А.Викторов, С.Мяготин, Л.2013-05-202017-11-272013-05-202017-11-271962Лямин, Михаил Андреевич. Ож сюрес : фронтовой дневникъёсысь, 1941-1945 аръёс / Мих. Лямин ; [худож. оформ. И. А. Радыгина ; рис. С. Викторова, Л. Мяготина]. - Ижевск : Удмурт. кн. изд-во, 1962. - 162 с. : ил. - На удмурт. яз.udm_book_1112http://elibrary.unatlib.ru/handle/123456789/85681941 арын, август толэзе, Верховной Главнокомандующийлэн приказэзъя Удмуртиысь Шолья станциын кылдытэмын вал стрелковой дивизия. Декабрь толэзе со дивизия Калининской фронтын вал ни. Мон та дивизиысь воинъёсын - асьме землякъёсын - ӵош ожмаськи. Ас синмыным адӟи землякъесмылэсь батыр нюръяськемзэс, тыл но ву пыр потамзэс. Кузь но секыт вал Удмуртиысь дивизилэн ож сюресэз. Кужмо ожмаськиз со Ржев но Сычовка, Великие Луки но Невель, Витебск но Полоцк городъёс дорын, Белоруссиез, Литваез но Латвиез тушмон киулысь мозмытон понна. Бадӟымесь вормонъёс басьтэмез понна правительство дивизиез но отысь полкъёсты орденъёсын наградить кариз, Верховной Главнокомандующий соослы трос пол благодарность ялылӥз, Москва салют сётъяз. Фронтовой улон секыт ке но вал, адӟемъёсты ожын висъёс дыръя дыртӥд-вуттӥд гожъялляй фронтовой дневникам. Уноез лыдӟисьёс та дневникысь лыдӟозы асьсэ бубыоссылэн, агай-вынъёссылэн, тодмооссылэн батыр ожмаськемзы сярысь верамъёсты, нош кудӥз оло уз но шедьты: дивизиысь ваньмыз сярысь тодыны шуг вал, дыр но ӧз шедьылы. Кин сярысь гожтӥ, соос пыр мед адзиськоз вань землякъёсмылэн фашистъёсты таркамзы. Война бере уно аръёс ортчыса, мон фронтовой дневникъёсме ӵош ожмаськем эшъёсылы лыдзылӥ. Соос индылонъёс сётӥзы, книгаен поттыны дэмлазы.udmВеликая Отечественная войнахудожественная литература удмуртскаяпрозадневникивоспоминания, запискиText